Skip to main content

የአካዳሚው ሰራተኞች ደም ለገሱ

የአካዳሚው ሰራተኞች ደም ለገሱ

የኢትዮጵያ ወጣቶች ስፖርት አካዳሚ ሰራተኞች ነሃሴ 25 ቀን 2013 . ማክሰኞ ጠዋት በአካዳሚው ግቢ በተዘጋጀ የደም መለገስ መርሃ-ግብር ደማቸውን ለመከላከያ ሰራዊት ለገሱ፡፡

የደም መስጠት መርሃ-ግብር በኢ... የመከላከያ ሚኒስቴር ጤና መምሪያ ስር በሚገኘው የደም ባንክ ባለሙያዎች አማካኝነት ደም የተወሰደ ሲሆን በወቅቱ ደም መስጠት ላይ ከነበሩት እና ያነጋገርናቸው ሰራተኞች ለሃገራቸው ክብር እና አንድነት መስዋትነት እየከፈለ ላለው ሰራዊት ደም በመለገሳቸው መደሰታቸውን ገልፀዋል፡፡

የአካዳሚው የህክምና አገልግሎት ማእከል ኃላፊ አቶ ሽመልስ ታፈሰ የሃገርን ህልውና ለማስከበር መስዋእትነት በመክፈል ላይ ላለው ሰራዊት ደም ለመለገስ ሰራተኛው ያሳየውን ተነሳሽነት በማድነቅ ወደፊትም ቢሆን በተፈጥሮም ይሁን በሰው ሰራሽ መንገድ የሚመጡ አደጋዎች ላይ የሚከሰቱ ጉዳቶችን ለመከላከለ ደም መስጠት እንደሚያስፈልግ ገልፀዋል፡፡አቶ ሽመልስ ታፈሰ አያይዘውም ደም መለገስ በጤና ላይ የሚያስከትለው ጉዳት ባለመኖሩ ይልቁኑንም ደም በሚሰጥበት ወቅት ሰውነታችን አዳዲስ የደም ሴሎችን ስለሚተካ ይህም ደግሞ ለጤናችን ያለው ጠቀሜታ የጎላ በመሆኑ ልናዘወትረው ይገባል ብለዋል፡፡

የኢትዮጵያ ወጣቶች ስፖርት አካዳሚ አመራሮች እና ሰራተኞች ቀደም ብለው የአንድ ወር ደሞዛቸውን በዓመት ክፍያ ተቆርጦ ለመከላከያ ሰራዊቱ ድጋፍ እንዲሆን መወሰናቸው ይታወሳል፡፡